Герб Рэспублікі Беларусь Герб г. Гарадка Віцебскай вобласці ГАРАДОЦКI РАЁННЫ ВЫКАНАЎЧЫ КАМIТЭТ

Афіцыйны сайт

Прыёмная райвыканкама
Адрас райвыканкама:
211573, г. Гарадок,
вул. Пралетарская, 2.
E-mail: gorrik@vitebsk.by
(не з'яўляецца электронным зваротам)
Прыёмная: (8-02139) 4-10-45
Факс: (8-02139) 4-33-10
Тэлефон "гарачай лініі":
(8-02139) 4-10-45 штодня з 8-00 да 20-00
Гарадоцкі райвыканкам
/
1
2
Галоўная - Навіны - Навіны рэгіёна і раёна

Навіны рэгіёна і раёна

У ліку лепшых танцавальных пар

08-08-2019
 

Сяргей і Галіна Мілюха (Сцяпанавічскі СК) (на здымку на першым плане), Сяргей і Таццяна Лаўрэнавы (Езярышчанскі ГПДК) сталі фіналістамі абласнога турніру нацыянальных танцаў у рамках Міжнароднага фестывалю «Славянскі базар у Віцебску-2019».


Танцавальныя пары з Гарадоччыны прадставілі на конкурсе ў розных узроставых катэгорыях сваё майстэрства. Ад удзельнікаў патрабаваліся веды дзевяці абавязковых танцаў турніру, захаванасць мясцовага рэпертуару і мастацкага стылю; узровень выканальніцкага майстэрства; адпаведнасць касцюмаў традыцыйным народным строям мясцовасці.

Таццяна Лаўрэнава ведае больш за 20 фальклорных танцаў, сярод іх вельмі адметныя «Езярышчанскі Ленцея» (на некалькі «кален»), «Абэрак», «Карапет», «Какетка» і інш. У Езярышчанскім ГПДК пад яе кіраўніцтвам плённа працуе дзіцячы гурток па фальклорных танцах «Крыжачок» — яркі пераемнік  танцавальных традыцый, неаднаразовы пераможца абласных фальклорных конкурсаў.

«Закаханая ў танец» ці «Каралева танца» менавіта так называюць загадчыцу Сцяпанавічскага сельскага клуба. Галіна Мілюха валодае вялікім «багажом» мясцовых танцаў, якія яна танчыць больш за 40 гадоў разам са сваім мужам Сяргеем Васільевічам. Яны маюць вялікую колькасць узнагарод лаўрэатаў і пераможцаў шматлікіх конкурсаў і фестываляў. Пераемнікі мясцовых танцаў — фальклорны танцавальны гурток Сцяпанавічскага сельскага клуба.

Старажытны  танец у Гарадоцкім раёне жыве на працягу доўгага часу і старанна захоўваецца пераемнікамі традыцый, дзякуючы намаганням аматараў фальклору — В.С. Дані­ленкі, С.П. Шэнец,Н.А. Максімавай, Н.П. Склімянок, Н.Е. Архірэевай, Т.М. Прышчэпавай, В.В. Гаруновай, А.А. Палцінкі, Л.І. Краўцовай і іншых. Старадаўняе харэаграфічнае мастацтва зберагаецца, развіваецца і назапашваецца ў скарбонцы гістарычнай спадчыны нашай радзімы, у пэўных рысах застаючыся актуальнай часткай сучаснай культуры.

Лілія РЭЗКІНА, намеснік дырэктара ЦТКіНТ.


Даведачная інфармацыя

Интернет-ресурсы