Гарадок. Гарадоцкія «SuperПРОФІ-2024»

У мінулую пятніцу ў Віцебску падвялі вынікі абласнога этапу конкурсу маладых работнікаў прадпрыемстваў, арганізацый і ўстаноў адукацыі Беларусі "SuperПРОФІ-2024". Крысціна Жорава, інспектар сектара прапаганды і ўзаемадзеяння з грамадскасцю Гарадоцкага раённага аддзела па надзвычайных сітуацыях прызнана лепшай у намінацыі “SuperПРОФІ2-2024” у сферы бяспекі і аховы.

            Каля 60 чалавек змагаліся за выхад у рэспубліканскі фінал, шэсць з якіх – прадстаўнікі Гарадоцкага раёна. Кожны з канкурсантаў паказаў, наколькі глыбока захоплены сваёй справай і як шмат сіл і энергіі гатовы ўкласці ў сваю работу. Так, Жорава Крысціна, работнік Гарадоцкага раённага аддзела па надзвычайных сітуацыях прадставіла сябе з дапамогай музычнай візіткі, акампануючы на піяніна і прэзентуючы відэашэраг з апавяданнем пра сябе і сваю прафесію. А для стварэння творчага нумара ўдзельніца задзейнічала свайго сабаку, сібірскую хаскі Полі, якая ў тандэме са сваёй гаспадыняй выконвала каманды і дэманстравала сваю пакору.

Цяпер, пераможцы абласнога этапа прадставяць Віцебскую вобласць на фінальным рэспубліканскім этапе ў г. Мінску. Пажадаем перамогі нашым землякам!