Карэспандэнт часопіса «Юны выратавальнік» сустрэлася з гарадоцкімі школьнікамі.

Спецыяльны карэспандэнт па Віцебскай вобласці Людміла Бірулькова падрыхтавала для вучняў пачатковых класаў сярэдніх школ у горадзе Гарадку і аграгарадку Пальмінка Гарадоцкага раёна гульнявую праграму. Мэта — знаёмства з часопісам «Юны выратавальнік».

Дзеці даведаліся аб гісторыi стварэння часопіса, пазнаёміліся з пазнавальнымі і конкурснымі рубрыкамі выдання, паўтарылі правілы паводзін у розных надзвычайных сітуацыях. Вясёлыя конкурсы, пытанні, загадкі дапамаглі дзецям яшчэ раз паўтарыць правілы бяспекі.

Госця прапанавала хлопцам i дзяўчынкам пасябраваць з маляўнічым часопісам і ў рамках падпісной кампаніі на першае паўгоддзе 2025 года паўдзельнічаць у навагодніх конкурсах, якія праводзяцца выданнем.